R.I.P. rydel23
BIE: Ня стала Ўладзімера Каткоўскага. Вось адзін з тых людзей, праз чый узор беларусізаваўся і я, на 80% дзіця інтэрнэту што да беларускасьці.

Рыдэль быў з пакаленьня людзей, што прыйшлі да беларускамоўнасьці ў пачатку 90-х і якія зараз, складаецца ўражаньне, неяк збольшага адышлі ў цень у інфармацыйнай ці прынамсі актыўнай інтэрнэт-прасторы, падаросьлелі, аселі на дно ў прагах, варшавах, амэрыках.

Знакавая фігура што да барацьбы супраць летувіскіх і польскіх шавіністаў на палях ангельскай Вікіпэдыі, супраць "Вайсруслянда" ў нямецкай мове. Даўно не відаць такіх баявых людзей - яны альбо скурвіліся і замкнуліся, альбо састарыліся і кінулі справу.

Сайт "Літванія" - адно з маіх найяскравейшых уражаньняў часоў першых крокаў у сеціве 8 гадоў таму. Yahoogroups-суполкі litvania, movaznaustva, Правапіс.орг. rydel23 - адзін зь першых фрэндаў у ЖЖ.

Шчырыя спачуваньні блізкім Уладзімера. Самому яму зараз лепей, чым нам. Сьмерць - гэта ня дрэнна, калі чалавек пражыў сваё жыцьцё не дарэмна. А Рыдэль зрабіў за свае 30 гадоў ня менш карыснага, чым некаторыя робяць за 70 ці 80.



Пытаньне - што адбываецца з праектамі Рыдля? Што далей будзе з http://pravapis.org ? З http://www.martyraloh.org ? Будуць стаяць навечна помнікамі, пакуль добразычліўцы будуць аплочваць гостынг? Альбо ёсьць нейкія пэрспэктывы іх разьвіцьця?


RUS: Сегодня скончался Уладзимер Каткоуски, один из пионеров белорусскоязычного интернета. Скончался, не приходя в сознание из продлившейся почти год комы после ужасной автомобильной аварии. Вечная память.